طبعاً انا مقهور جدا بسبب موضوع الجيش ده و ده لأني فعلاً المفروض مادخلش بسبب الأسباب الطبية الي عندي، المهم اني رحت يوم الإرجاء و سيادة العميد قعد يقول ان دي فرصة للشباب ان يكون ليهم حظ و يخرجوا و ده بيتم بانهم بيختارو مواليد ايام معينة في السنين و يعفوا الباقي ، لكن في تخصصات معينة بتدخل كدة كدة عشان الجيش محتاجلهم . التخصصات هي “طب بشري بكل تخصصاتة و فروعة” و “ الهندسة – كهرباء حواسب و الكترونيات و اتصالات و قوى و ميكانيكا” و علوم و حاجات تانية كتير ، بصراحة حسيت بالظلم بسبب الاختيار العجيب ده و اللي مفيهوش اي نوع من المساواة خصوصاً ان الشباب دي ليهم فرص عمل ممتازة، يعني تقدر تقول ان الشباب اللي اختارهم الجيش هو نفسة اللي عندة فرصة كويسة في العمل، لكن الواقع ان في الآخر بيشتغلوا عساكر و حاجة اخر بهدله و بيكتبوا على الورد و خلاص
الفكرة بقة انهم يعملوا ان الخروج من الجيش بكفالةـ يعني الواحد يدفعلهم مبلغ و يعفووه و طبعا انت متخيل ان بالطريقة دي محدش هايدخل ابداً ، لا بالعكس – الجيش هايدخللو مبالغ طائلة ممكن بيها يرفع من اجر العسكري و الظابط و بكده شريحة من المجتمع هايبقى بالنسبالها الجيش مجزي و حلو عشان فيه فلوس حلوة، و كمان بالفلوس دي ممكن يتعمل تدريب تقني للمجندين بحيث انك تدخل الجيش و تتعلم و تهيص – ايه رأيك ؟