في حاله كده عجيبة و غريبة موجودة في مصر بقالها حوالي تلات اربع شهور، و هي الحوادث و الكوارث الرهيبة اللي بتحصللنا *يجيلي واحد و يقوللي مهو عادي طول عمرنا مهريين بلاوي و حوادث* هقوللو صح بس الفترة اللي فاتت دي غريبة فعلا
خلينا كده نحاول تفتكر اللي حصل بسسسسسسسس في التلات شهور اللي فاتو *بدون ترتيب و اللي يفتكر حاجة تانية ياريت يقول*
اكتر من خمس حوادث تراجيدية على المحور بعد تجديدة، اهمها الاوتوبيس اللي وقع من فوق
حريق مجلس الشورى بالكامل و اجزاء من مباني مجاورة
انهيار صخرة وزنها اكثر من 100 طن في منطقة الدويقة
حادثة قطار و سيارات نقل و ركاب مروعة على طريق مرسى مطروح
حادثة بنها و اللي اتكسر فيها اكثر من 30 سيارة
زائد تزايد رهيييب في اعداد الحوادث على الطريق الأسكندرية الزراعي و الطريق الدائري في القاهرة و التي تحدث بشكل يومي
تحديث
حريق في المسرح القومي بجوار الادارة المركزية للدفاع المدني في القاهرة
حريق هائل في كنيسة الأنبا بيشوي
انهيار عمارة بالإسكندريه
التفسير اللي انا شايفو بجد ان ده غضب و لعنة من الله سبحانه و تعالى علينا و المفروض نفكر كويس قوي في الموضوع ده و نشوف فعلا عل احنا مثلا مثلا بنشوف الظلم و بنسكت عليه؟ و لا مثلا بنساعد على انتشار الفساد و الفسوق في الأرض عشان بنقول جمل زي “مليش دعوة” و “خلونا ناكل عيش” و “فتح مخك” و لا ايه؟
معلومات عامة كده عشان تبقو مثقفين
المعدل العااالمي للوفيات بسبب حوادث السيارات هو من 2 ال 22 حالة لكل 1000 كم
معدل الوفيات في مصر في سنة 2007 هو 228 حاله لكل 1000 كم
حوادث السيارات في مصر اصبحت ثاني اكبر سبب للوفيات
و كل عام و انتم بخييييييير
ملحوظة
واضح اني هافضل احدث الصفحة دي كتييير اسهل من اني اعمل موضوع جديد لكل كارثة، ابقوووا معنااا
by Ahmed Madkour
21 Sep 2008 at 16:38
انا فعلا ملاحظ الموضوع ده بقالى فتره و كأنه ابتلاء و عقاب من ربنا و لو دققت اكتر يا احمد فى الناس هتلاقى حاجات تانيه زى زياده اعداد الناس اللى عندها امراض خطيره زى السكر و السرطان و حاجات تانيه كتير
و الحقيقه الصعبه فى الموضوع ده كله زى ما المثل بيقول الحسنه تخص و السيئه تعم
بفتكر قصه كدا إن كان فيه قريه اهلها كلها فاسقون فربنا امر سيدنا جبريل إنه يهدم القريه و يهلك اهلها فلما نزل سيدنا جبريل لقى واحد فيها عابد فرجع تانيه لله و قال لله إن كيف اهلكهم و فيهم عابد يسبح لك (و الله سبحانه اعلم) فقال له الله بل ابدأ به. المغزى من القصه ديه إن الراجل العابد ده محاولش ياخد بأيد قريته و يدعوا لله فيهم
ياترا بقى إحنا فين ؟؟؟؟؟؟؟
by Fouad
21 Sep 2008 at 16:40
كل عام وانتم بخير بس ازاى بعد كل ده
اذيك يا بشمهندس.يا رب تكون بخير
فعلا للاسف كميه الحوادث بقت كبيره اوى فى مصر..كان فى حلقه لبرنامج حديث المدينه قالوا فيهاه على ما اذكر الرقم ان حوالى 68% من قطع غيار السيارات فى مصر غير مطابقه للمواصفات العالميه..ونفس الرقم تقريبا للمصاعد فى العمارات الى برضه غير مطابقه للمواصفات..فى مصائب كتير ماليه البلد..واكيد من زنوبنا برضه وعشان كده ربنا بيبتلينا..
المشكله ممكن تكون لسبب رئيسى وهو…اذا فسد الراعى فسدت الرعيه
ويجعله عامر
by Butterfly
21 Sep 2008 at 16:43
فعلا والله عندك حق علشان احنا اكتر حاجه بنعملها ان انا يسكط ونمصص شفايفنا ونقول ياعينى ويا ليل .
بجد الموضوع ده بقى كتير جدا بس مش هقدر أقول ان اللى بيحصله حادثه يبقى مش كويس , لأ ده غالبا بيبقى اختبار من ربنا وربنا يستر علينا جميعا .
هو فى حادثه هى خاصه شويه ومش جامده زى اللى انت قولتهم , أحب أقولها ممكن حد يستفيد منها ولو بجزء بسيط .
عمى كان من أسبوع المفروض انه شغال فى السعوديه وكان مسافر راجع هناك ومعاه مراته وولاده ولد وبنتين وكان لسه شارى عربيه جديده – أنا عن نفسى مشفتهاش – بس سمعت انها عربيه جامده يعنى هو ده بقى اللى جه فى بالى لما عرفت الحادثه -اتحسد – ههههه
اللى عرفته ان سبب الحادثه هو عادى جدا ,. ان البنت الكبيره دى بيتيألى كانت فى ابتدائى او أصغر كمان ,كانت قاعده ورا فقالت لباباها عاوزه اقعد قداد فوهوا بيشدها معرفش يسيطر على الوضع وساب الدريكسيون وقد كان ما كان … البنت دى ماتت واخوتها رجليهم مدبسه و مامتهم دخلت الطوارئ هى خرجت بس مش بتقدر تتحرك وعمى محصلوش حاجه
وقدر الله وما شاء فعل !
by Maher Saif
21 Sep 2008 at 17:19
ربنا لا تؤاخذنا بما فعل السفهاء منا
قال تعالى: وَرَبُّكَ الغَفُورُ ذُو الرَّحْمَةِ لَوْ يُؤَاخِذُهُمْ بِمَا كَسَبُوا لَعَجَّلَ لَهُمُ العَذَابَ بَلْ لَهُمْ مَوْعِدٌ لَنْ يَجِدُوا مِنْ دُونِهِ مَوْئِلًا {الكهف:58}
والمعنى الإجمالي لهذه الآيه أن الله سبحانه وتعالى بحلمه ومغفرته وسعة رحمته يمهل الكفرة والظلمة والعصاة والمجرمين ولا يعاجلهم بالعذاب، ولو عاجلهم به لأهلكهم جميعا حتى لا يبقى على وجه الأرض أحد، ومن الحكمة في عدم المعاجلة بالعقوبة أن الكفرة قد يؤمنون، وأن عصاة المؤمنين قد يتوبون ويستغفرون، ولكنه جعل لهم أجلا لا مهرب لهم منه ولا محيد لهم عنه، فهو سبحانه وتعالى يملي للظلمة ويمهلهم ولكنه لا يهملهم، ويغفر للمؤمنين ما شاء أن يغفر. انتهى ملخصا من كتب التفسير.
by Sinar
21 Sep 2008 at 17:30
واللهي عندك حق
هي المصايب فعلا أوقات ممكن تكون ابتلاء من الله لعباده المؤمنين
بس فعلا الزيادة السريعة والكبيرة في الحوادث اليومين دول مش طبيعية..
فعلا…. بحس انها غضب من ربنا علينا
مش شرط على اﻷشخاص اللي بيحصلهم الحوادث دول, لكن للأمه كلها
ﻷن السلبية اتجاه الظلم والمنكرات اللي اصبحت للأسف شئ عادي و متكرر, أكيد سكوت الناس و عدم نهيهم عن المنكر ربنا بيجازي به و بيحذر الناس يفوقوا من السبات اللي هما عايشين فيه
ويرحمنا ويقدرنا نأمر بالمعروف أن ننهى عن المنكر حتى يرحمنا الله من عذابه وغضبه
اللهم عافنا واعف عنا وﻻ تؤاخذنا بما فعل السفهاء منا
@ Butterfly:
ﻻحول وﻻ قوة اﻻ بالله
ربنا يصبرهم غلى ماابتلاهم به
by Ahmed El Gamil
21 Sep 2008 at 23:44
عندك حق و الله يا أحمد..و لو اخدت بالك كلها من علامات الساعة..
انا افتكرت حديثيم مهمين جدا و أنا بقرأ كلامك
الاول:
عن عائشة ـ رضي الله عنها ـ قالت: قال رسول الله ـ صلّى الله عليه وسلّم ـ: ” يكون في آخر
هذه الأمّة خسف ومسخ وقذف “، قالت: قلت: يا رسول الله، أنهلك وفينا الصالحون؟ قال: ” نعم، إذا ظهر الخبث “، أخرجه الترمذي، وصحّحه الألبانيّ
و الثانى:
حديث عبد الله بن عمر –رضي الله عنهما- الصحيح بطرقه عن النبي صلى الله عيه وسلم:
«إذاتبايعتم بالعينة، وأخذتم أذناب البقر، ورضيتم بالزرع، وتركتم الجهاد؛ سلط الله عليكم ذلاً لا ينزعه حتى ترجعوا إلى دينكم».
دعائكم فى اخر عشرة بالله عليكم..
اللهم إنا نعوذ بك من الذنوب التى تنزل النقم..و نعوذ بك من الذنوب التى تمنع النعم
by Butterfly
22 Sep 2008 at 01:06
يارب يا سينار بجد امهم حالتها صعبه أوى
by bingorabbit
26 Sep 2008 at 05:46
kol el masaged el youmeen dool fel do3a2, merakeza awy 3ala “Allahoma asle7 7al Al-Omma”, pray for us guys..
by nasr
28 Sep 2008 at 02:03
م.أحمد
السلام عليكم
أعتذر إن كان تعليقى لا علاقة له بالموضوع
فسامحنى
أرغب فى الحصول على شهادة
RHCE
وأرجو منك مساعدتى فى ذلك الأمر
وأنا مستعد لأى تكلفة
نصر الشاذلى
الجيزة
0101663757
by Ahmed S. Farghal
28 Sep 2008 at 14:13
You can call Linux-Plus in Cairo 02 25276616 or send eMail to support@linux-plus.com
by Sinar
28 Sep 2008 at 16:21
لطفك بنا يا رب
by Butterfly
02 Oct 2008 at 01:37
هو انا عرفت فى نفس اليوم عن المسرح القومى
بس اول مره اعرف موضوع الكنيسه ده .
بس هقول ايه ربنا يرحمنا برحمته الواسعه , يارب .
by GaMaL
06 Oct 2008 at 00:30
النهارده كمان 3 سيارات وأوتوبيس في حته أسمها اطحين .. وربنا يستر
فعلا موضوع غريب.. بالمناسبة
منطقة الدويقة زي ما د حازم شومان قال ان في واحدة من الجرايد الكبار كانت لسه عاملة تقرير عنها قبل الحادث وكان التقرير ده عن إنتشار المخدرات و حاجات تانيه هناك .. و حاجة كمان أنا ملاحظها ان قبل كل تغيير كبير في تاريخ مصر كان بيجي عصر إضمحلال عشان يجي بعديه توحيد قطرين أسرة جديدة عهد جديد حكم جديد أو حتى ثورة .. ميين عارف ده ممكن يكون عصر الإضمحلال ال … الل .. هو ده نمرة كام ؟
شكرا
by Ahmed El Gamil
08 Oct 2008 at 16:12
تقدر دلوقتى تحط 11 قتيلاً في انهيار عمارة بالإسكندرية
http://news.bbc.co.uk/hi/arabic/news/newsid_7659000/7659035.stm