Comments on: خسارة يا مصر

By: fifa

fifa — Thu, 22 Jan 2009 11:58:20 +0000

هكتفى بكلمة شكرا على تدويناتك لانى قرأت وما بصدر كثير وما فى قلمى اكثر لكن بماذا سيفيد الكلام فالفساد فى كل مكان مصر انهارت يا اخى بسب الفساد ولا مصلح لحالها الا الله .. قهر فعلا .. ا طيب انت قدرت تدفع مرتين طيب الراجل الغلبان اللى معاه عربية رمله دا وشغله اصلا لو اشتغل شهر معتقدش ممكن يكفى ثمنها مش عارف اسعار الرمل ايه بس دا زانبه ايه انه يروح فى داهيه بالشكل دا

الله يرحمك يا عبد الناصر
الله يرحمك يا صلاح الدين
الله يرحمك يا عمرو ابن الخطاب

الله يرحمك يا مبارك من اللى هتشوفه بسبب انك قويت القوى على الضعيف و ان فسد الحاكم فسد المحكوم وان صلح الحاكم صلح المحكوم

شكرا اخى احمد

By: Fouad

Fouad — Thu, 20 Nov 2008 04:18:20 +0000

السلام عليكم
انا دحكت اوى يا احمد لما قريت جمله
“طب واضح كده اني محتاج “جداً” اقول ان الآراء تعبر ان افكار اصحابها و ليس للموقع ادنى مسؤلية”
”
هههههههههههههههه
ربنا يحرسك من كل شر
انا كنت ها اعيط وانت بتتكلم عن الى حصل ليك على الطريق
حاجه تبكى…انا اعرف واحد فعلا كان بيفكر يجيب عربيه ولما نزل قانون المرور الجديد كبر دماغه وقالى مش ناقصه خراب..يمكن دى تكون طريقتهم عشان يقللوا العربيات فى البلد…الله اعلم…على العموم البلد كلهاه ماشيه بالفلوس والرشاوى
كان زمان الموظف بيفتح الدرج وهو مكسوف عشان تحط له فيه فلوس..دلوقت بقت عنيهم بجحه اوى..يقولك يا استاذ الورقه دى بتخلص بكذا علطول ماشاء الله…اصلهم عارفين ان وقت المواطن غالى فبيوفروا عليك التفكير ها تدفع كام..هو بيقولك على الحساب علطول
ربنا يتوب علينا
المهم يا احمد عايزك بجد تخف شويه لانى خايف عليك
لو انا منك بصراحه ومحدش يهين وجه نظرى تسافر احسن….بره ممكن تفيد اهلك اكتر من هنا زى كتير ما عملوا خير قبل كده…انما هنا والله انا خايف عليك
اى حد عايز يعمل حاجه كويسه فى البلد دى يتخاف عليه
ربنا يوفق الجميع

By: Hossam Barakat

Hossam Barakat — Tue, 11 Nov 2008 11:56:22 +0000

احنا وصلنا لأسوأ الأوضاع اللي ممكن توصله ليه أمة .. قهر وظلم على جميع المستويات .. والموضوع أكبر من مخالفات بتتاخد بدون وجه حق .. في كمان ناس بتتسجن لأنهم بيقولوا الحق .. البلد بقت ارض خصبة للفساد والفاسدين على كل المستويات .. مش عايز اتكلم أكتر من كده في كلام معروف.

عاوز أقول إن أحلك ساعات الليل ظلمة هي اللحظة الأخير قبل الفجر .. الظروف القاسية بتصنع رجال عظماء بعد ما يكونوا مروا بأكتر من مستوى من الفلترة .. اللي هيزهق ويقول مفيش فايدة .. واللي هيزهق ويقول أسافر لو جاتلي فرصة .. لكن اللي هيفضل في الآخر وهو واثق في ربنا إنه ما اتخلقش في الوقت ده والظروف دي إلا علشان يكون ليه رسالة ودور إيجابي .. الأمل هو مفتاح الخروج من الأزمات دي .. طول ما الشمس بتطلع كل يوم في أمل وطول ما في ناس مؤمنة واثقة في الله يبقى في أمل .. ودي سُنة ربنا في الكون .. “أفحسب الناس أن يتركوا أن يقولوا آمنا وهم لا يفتنون”

النبي صلى الله عليه وسلم والصحابة بدأ الدعوة في ظروف أسوأ من ظروفنا الحالية بكتير .. مفيش ظلم وظلام للأبد في تاريخ أي أمة من الأمم .. “ليعلموا أن وعد الله حق”

By: Ahmed S. Farghal

Ahmed S. Farghal — Mon, 10 Nov 2008 13:58:50 +0000

طب واضح كده اني محتاج “جداً” اقول ان الآراء تعبر ان افكار اصحابها و ليس للموقع ادنى مسؤلية

By: ahmedmasar

ahmedmasar — Mon, 10 Nov 2008 12:04:54 +0000

بالتمادي يصبح اللصُ بأوربا مديرأ للنوادي
وبامريكــــــا زعيمــأ للعصاباتِ واوكـار الفسادِ
وبأوطاني التي مـِن شرعــها قـــطع الأيادي
….
….
….
….
يُصبح اللــــــــصُ رئيسأ للــــــــــــبـــــــــــــــــــــلادِ

By: Eman

Eman — Sat, 08 Nov 2008 19:38:20 +0000

الطبيعى ان القهر والكبت والظلم والسواد يولود انفجار وثوره وبركان

لكن فعلا سبحان الله فى الشعب المصرى ده!

لان ده قمه القهر وقمه البلطجه وقمه السواد والظلم والشعب المصرى فى قمه الغليان فعلا

ومع ذلك فى قمه السكوت والسكون والاستسلام والهدوء والادب وان صح التعبير الاستعباد كمان !

الواحد اتعود يحس ان دمه محبوس

By: bingorabbit

bingorabbit — Fri, 07 Nov 2008 20:58:25 +0000

I voted for yes, although I’m not totally convinced and you know why, but like Sinar, ‘am somehow optimistic, but I believe that this step won’t be accomplished with us being in this country, because simply this won’t happen. If we are 10 with good minds, there are 1000 who try to kill these minds.

It’s not really a good situation I know, w sada2ny I dun think en leeha 7al, talama aslan el mawdo3 beyt3amal mn foo2, nasb fi nasb y3ny, bas ha7ki 3ala mawkef keda, 3aks dah shwaya, w yemken yekoun kowies 3ala shan mayb2ash sebna 7aga.

mn kam youm, ta2reban youm depiak day, kont bawa2af taxi ana w 5atebty, w tab3an azmet el taxyet fel balad ba2et mo2refa, la2et zabet beywa2af el taxyat el fadya:
Officer: Ro5asak!
Taxi Driver: Leeh ya basha?
Officer (more Angrily): Ro5asak yabny!
Taxi Driver: Etfadal ya basha.
.. ye2om el zabet yela2y mathalan wa7ed raye7 talkha, ta3ala erkab, w ye2ol lel sawa2, wasalo w ta3alali, yeegy el sawa2 yekalemo, ye2olo yala ya “*** ****” wasalo w ta3ala.

yemken ana shoft en dah sa7, bel zat 3ala shan el mahazel elli bete7sal fi mawdo3 el taxeyat dah. ah homa beyeego 3ala sawa2een el taxeyat, bas homa ba2o bahawat aslan. fa I think en dah ela 7aden ma kowies.

By: Sinar

Sinar — Fri, 07 Nov 2008 12:08:11 +0000

@Osama: this is exactly what happened with my father on the same road
el ma2sah, en if u tried to drive the car on 60 km/hr …. ….. i really can’t explain it..
u’ll be walking not driving at allllll !!

it really doesn’t make sense this speed 60 km/hr de ta3zeeeeeebbbb…!!

By: Osama Gamal

Osama Gamal — Fri, 07 Nov 2008 03:23:17 +0000

انا استغربت جدا يوم الاتنين لما دكتور التحكم عندنا في الكلية (د/ممدوح)قالنا علي موقف زي ده بالظبط بس علي طريق المحلة الدائري و عشان ماشي علي اعلي من 60 مش حتي 90
و انه هيخلص المحاضرة بدري عشان يقدم شكوي لوزير الداخلية باين و كلام كبير كده

بس من الواضح انها مش حاله فردية و ان فيه حد بينظم العملية دي :S
و للاسف زي ما يقال حاميها حراميها
حسبنا الله و نعم الوكيل
فعلا لو الناس عندها اخلاق مكانش فيه ظابط واحد علي خلق قبل انه يعمل كده
و لو الناس عندها وعي و عارفه حقوقها و عارفة ازاي تطالب بيها مكانش فيه ظابط او مسئول هيفكر انه يحاول يغلط باي اشكل من الاشكال

By: نورانة

نورانة — Thu, 06 Nov 2008 21:27:29 +0000

لا حول ولا قوةإلا بالله وإنا لله وإنا إليه راجعون
ربنا يصلح أحوالنا ويولي الصالحين المصلحين أمورنا