هو حضرتك خلصت كل الكلام
أنا شايف إن المشكلة فعلا في “الجهل” مش جهل الشهادات بس الجهل بالحقوق والواجبات

ربنا يبارك فيك
وأنا راجع أتاابع من تاني بعد الامتحانات الجميلة اللي كانت عندنا

وإن كنت شايف إننا ممكن نختزل المشكلة في كلمتين:
أولا: الأخلاق وغياب الوازع الديني
ثانيا: الحكومة

وإن كان السببين متداخلين ببعض .. لأن لازم يكون في حكومة تساعد على تثبيت قيم الإسلام – دلوقت بيحصل العكس من تمييع الهوية الإسلامية خلال إعلام فاسد وخلافه – اللي هي شاملة جميع الإصلاحات زي ما انت عاوز .. نضافة شوارع .. تنظيم .. تعليم جيد .. قوة اقتصادية وسياسية .. وكل اللي كان موجود عن الدولة الإسلامية في عز قوتها .. ساعتها مكنش في كل المشاكل دي لأن الدولة مرجعيتها هي الإسلام العادل الشامل .. لازم يكون في شغل على الناحيتين .. ناس مؤمنين فعلا و قيادة عادلة

في برضه رقم لإدارة المرور (المنصوره) ده اللي أعرفه و برضه أعرف ناس فعلا عملو بلاغات فوريه عن طريق التليفون و أعرف إن إدارة المرور بعتت لهم ناس في ساعتها و عرفوا يحللو المشكله و لم يضطروا لعمل محضر و علي الأقل دول كانوا ايجابيين و بلغوا أن الأخطاء اللي شافوها في ساعتهاحتي لو كانت بحاجه بسيطه زي دي
و الرقم أهه علي حسب ما أعتقد:
050-2243514
و ده
050-2234042
و ده للتبليغ عن حوادث المرور
0121110000

و جزاكم الله خيرا علي طرح الموضوع يا أحمد

أنا فعلا بفكر في حل للمأساه دي ..
أعتقد ان مشكلتنا كمصريين مش في القانون في حد ذاته – وإلا كنا جبنا قانون المرور المطبق في سويسرا و طبقناه زي ماهو هنا في مصر و كانت الدنيا مشيت زي الفل .. لكن الواقع غير كده خالص

المشكله الأولي هي الجهل .. للأسف معظم الناس ماتعرفش ايه هي قوانين المرور أصلا ماتعرفش ازاي تسوق و تمشي في الشارع أساسا و ايه اللي ليها و ايه اللي عليها
يبقي ازاي بعد كده نطالبهم بالإلتزام بقانون هما مايعرفوهوش أصلا ؟؟؟
و ده طبعا اللي بيوصلنا للعشوائيه اللي واضحه في الصوره اللي فوق دي

المشكله التانيه هي اخلاقنا و احترامنا للقانون ده
يعني لو عرفنا ازاي نسوق في الشارع صح هانلتزم بالقوانين دي و لا لأ ؟؟ لو انا لوحدي في الشارع و الاشاره مقفوله هاعدي و لا هاحترم القانون و مفيش رقيب عليا الا نفسي ؟؟
هازنق علي اللي جنبي و أكسر عليه و أسبقه و لا أحترمه و اعامله بما يرضي الله ؟؟

و طبعا بعد كده سوء تخطيط الشوارع و طبعا كيفية تطبيق القانون و عدالة تطبيقه و تنفيذه

حقيقي فعلا تصرفاتنا في الشارع بتعكس طريقة تفكيرنا و مستوي ثقافتنا و فكرنا
بشكل عام

I mean Ahmed himself admitted that despite his good intentions/attitude and his relatively very good knowledge of the traffic laws, he is forced more than often to behave like those people.

I believe such matters need not be judged in the context of categorical principles but rather in the context of the situation.

It could also be argued that some people “think” that they are doing the correct thing in such situations. I tend to think that this is an even bigger issue than ignorance; because if someone thinks he is doing the right thing he will have more audacity and will be willing to do whatever it takes to defend his actions and his perception of reality. Specially if he is an Egyptian. I think the quote “The greatest obstacle to discovery is not ignorance but the illusion of knowledge” is heavily manifested here.

Ignorance, in the broader sense of the word, is the argest contributor to situations such as these and I believe the most predominant source of such ignorance is the media manufacturing consent.

الجهل : هو موجود في كل حاجة بس بالنسبة للسواقة المفهوم المصري ان أي واحد بيعرف يحرك العربية يبقى بيعرف يسوق!

أخلاق المصريين : كفاية ان أي واحد كسر عليك أو حاول انه يربكك شوية بيرجع يحكي لصحابه و هو سعيد جدا

الحكومة : هما بيعينوا شوية عساكر مايعرفوش غير انهم يحركوا ايديهم بمعنى عدي و شوية أمناء شرطة و ضباط بيلموا فلوس

الشوارع : محتاجة عربيات من الستينات

الزحمة : مش هي المشكلة أوي

الزحمة أو أي حاجة غير نفسنا وتصرفاتنا يبقى للأسف معندناش الوعي الكافي للحل.

علشان مفيش حد يفهمني غلط أنا مش بدافع عن حد أو بحاول أنفي المسؤولية عن حد لكن ده نابع من قناعتي إن ربنا وضع سنة كونية
{لا يغير الله ما بقوم حتى يغيروا ما بأنفسهم}
اللحظة اللي نبدأ فيها نشاور على نفسنا ونبدأ نصلح من نفسنا أو نسأل نفسنا أنا ممكن أعمل إيه علشان أساهم في الحل هي اللحظة اللي حنبدأ فيها الحل الفعلي للمشاكل دي.

ناعوم تشمسكي ليه كتابات جميلة جداً في المواضيع دي. في الفيديو ده
http://www.youtube.com/watch?v=tKF98VvX68c
من سلسلة
Authors @ Google
بيتكلم عن إننا كلنا عندنا إطار من المفاهيم الأساسية الراسخة في عقلنا واللي بتشكل شخصيتنا دي بتتشكل بشكل كبير جداً من التلفزيون وأحنا صغيرين وبعد كده من المدارس والمناهج

ولما بنكبر بتكون المفاهيم دي خلاص أصبحت جزء من كياننا لدرجة أنها ممكن تعمينا مثلاً عن رؤية شجرة أحنا واقفين قدامها. هي عملية
installation
مستمرة لمفاهيم تطلعنا في النهاية بقالب المفاهيم “المطلوب” واللي أهم مفهوم منهم هو *الخوف*. الفيديو ده
Manufacturing Consent: http://video.google.com/videoplay?docid=-5631882395226827730&hl=en
بيتكلم عن الموضوع ده أرجو أن كلنا نجد الوقت أننا نشوفه أو نقرأ الكتاب لأنه مهم جداً
http://www.amazon.com/Manufacturing-Consent-Political-Economy-Media/dp/0375714499
الحل هو نزع المفاهيم دي ومحاربتها وفي خطوات عملية ممكن تساعدنا نوصل للهدف ده منها

* التساهل في استخدام التليفزيون في شعبنا شيء عجيب جداً ليا أصدقاء بره مصر معندهمش تليفزيون أساساً لو أهلك مكانش عندهم الوعي الكافي علشان يفهموا الموضوع ده لازم

يكون عندك أنت الوعي الكافي علشان خاطر أولادك يكون ليهم أمل وميتعرضوش لعملية ال
Manufacturing Consent
أو تشكيل المفاهيم أو الوعي اللي بيتكلم عنها ناعوم تشمسكي و الحمد لله عندنا الإنترنت وعلشان كده موضوع ال
Internet Neutrality
مهم جداً أن يكون عندنا وعي كبير بيه لأن ده طوق نجاة لينا ولأولادنا

* أتعلم وعلم ولادك يتسألوا ويشكوا ويفكروا وبلاش ناخد أمور حياتية كتير على أنها مسلمات

* المثقفين أو على الأقل اللي عندهم قدر كافي من الوعي عندهم مسؤولية كبيرة جداً في نقل الوعي عن الموضوع ده ونشره وشرح الموضوع ده للناس
ده مقال بيتكلم بالتفصيل عن النقطة دي
http://www.chomsky.info/articles/19670223.htm

لازم التغيير يبدأ بينا وبأولادنا
http://www.youtube.com/watch?v=NQeTJYnkuow&feature=related