Comments on: لو كان الأمر بيدي كنت …… ١

By: H.A.F

H.A.F — Thu, 01 Jan 2009 04:43:46 +0000

أنا مش مع الفكرة

حتى لو حاولت مش هتقدر لسبب بسيط جدا ….. حتى الأفكار مش هتتطبق
الفكرة نفسها جت فى بالى انى اعمل مذكرات أكتب فيها رؤيتى عن كل مشكلة من مشاكل البلد بصفتى فرد فيها وتصورى ازاى تتحل ولكن انك تكون فريق …. فالموضوع صعب ومش هيحقق نتائج مرجوة خالص

بعيدا عن فكرة الايجابية والسلبية

واقع الأمر بيقول انك انت نفسك حتى لو مسكت وزارة ما الأمور مش هتتصلح عارف ليه؟
أنا سألت نفسى السؤال ده وتخيلت نفسى وزير عايز يغير نظام الأشياء لقبت انى لو لقيت 12 او 20 واحد عايزين يخلو البلد كويسة مش هتقدر تتعالمل مع الناس اللى ضد التغيير

محدش يتخيل انه كل الناس اللى مسكوا وزارات مثلا كانوا وحشين او مش همهم على البلد او مش ايجابيين اكيد عدد قليل منهم كانوا كويسين ومع ذلك مفيش حاجة اتغيرت

اللى عايز يتغير هو ثقافة شعب …… لو فيه بلد عايز يتغير يبقى لازم اول حاجة خالص يبقى فيه حملات مكثفة جدا فى الاذاعة والتليفيزيون ووسائل الاعلام بالكامل لتغيير طريقة تفكير الناس ومع ذلك الحملة دى هيبقى هدفها انها تغير فكر الاجيال الجديدة مش الحالية لان الحالية مش هتتغير

بعد ما الناس فكرها يتغير لانها عايزة بلدها كويسة و و و و و و و و و و و و و و و ……. زى الشعب اليابانى كدة يبقى اى حد ييجى فى منصب يقدر يغير

غير كدة ……… ل
ا
يبقى الخلاصة

عايز تغير شعب للايجابية …. العب على الاجيال الصغيرة فى خطة بعيدة المدى انه هيبقى فيه اصلاح بعد 10 او 20 او 30 سنة

اما طول ما احنا بنقول البلد وحشة ليه ….. فده لانه تفكيرنا احنا اللى غلط

ثانيا : انا ضد اننا نرمى العيب على حكوماتنا لسبب بسيط انه حكوماتنا هما دول نفسنا ولو حد فينا بقى وزير مش هيعمل حاجة برده

ودى وجهة نظرى
———–

By: Fouad

Fouad — Thu, 20 Nov 2008 03:58:55 +0000

ربنا يوفقك يا احمد
ويوفق كل انسان يريد عمل اى شىء صالح

By: Ahmed S. Farghal

Ahmed S. Farghal — Sun, 16 Nov 2008 12:04:26 +0000

الغريبة اني مش كده خالص ، يعني انا مش من النوع اللي بيحلم انا واقعي جداً بس سعات ببقى متفائل شويه و سعات ببقى مكتئب جداً و شايف كل حاجة سوده
لكن الحاجة اللي مابتتغيرش فيا ابداً هيا ايماني الشديد بالتغيير و الثقه بالله اولاً طبعاً

By: مهندس مصري

مهندس مصري — Sat, 15 Nov 2008 23:51:46 +0000

نجرب يعني حنخسر إيه ؟
بس انا حاسس إنك حالم شوية
و ده شئ كويس في وسط الكآبة اللي إحنا فيها

By: Ahmed S. Farghal

Ahmed S. Farghal — Sat, 15 Nov 2008 18:52:38 +0000

حد يقدر يجيب لنك الحلقة دي على يو تيوب؟

By: bingorabbit

bingorabbit — Sat, 15 Nov 2008 12:57:55 +0000

ana bel sodfa seme3t 3an el 7ala2a di, bey2olo kan feeha kawareth y3ny..bas dah kolo beyrga3na lel moshkela el asaseya, en elli maskenha bawazoha, w 2ado fe3lan 3ala el tab2a el motaweseta..el baladi mosh hatetzabat ella law elli maskenha et3′ayaro.

By: Hend Awad

Hend Awad — Sat, 15 Nov 2008 01:31:42 +0000

السلام عليكم
أيوه أنا فعلا بالصدفه كده شفت الحلقه اللي حضرتك بتتكلم عليها .. مناطق عشوائيه و ناس عايشه فيها في مستوي أقل بكتير من أي حياه أدميه – ده إذا كان يصلح اننا نستخدم مصطلح عايشه ده -
المنظر ده خلاني سألت نفسي إزاي احنا عايشين في بيوتنا و ربنا أكرمنا بعيشه كويسه بالرغم من كل المشاكل اللي بنشتكي منها و بنشوفها يوميا, إزاي عايشين و بيفصلنا أمتار عن ناس زينا لكن عايشين بالشكل المؤسف ده ؟؟؟
طبعا الحكومه و البلد متحمله جزء كبير من مسئولية المستوي المؤسف اللي الناس عايشاه ده ، لكن أكيد احنا علينا دور برضه … مش معقول هانفضل طول عمرنا نشوف المآسي دي و نكتفي بالفرجه عليها في التليفزيون و نقول يا عيني و نقول الحكومه و الحكومه ………
طبعا الحكومه مسئوله لكن احنا لو فضلنا نكتفي بده و نستني لغاية ما الحكومه تعمل حاجه يبقي هانفضل طول عمرنا في الحاله المؤسفه اللي محدش فينا راضي عنها دي
إحنا غالبا بنكتفي بجمله بنريح بيها ضميرنا بإننا نقول لنفسنا “يعني أنا هاعمل ايه بس .. هو انا في ايدي ايه أعمله ”
مش معقول يكون ربنا سبحانه وتعالي ميزني بشوية علم و اداني عقل و اداني دافع و طاقه ايجابيه عشان تحركني و مش هاعرف الاقي حاجه واحده ايجابيه أعملها أساهم بيها في إصلاح البلد دي .. علي الاقل أبدأ علي الاقل اخد خطوه ولو صغيره في حياتي و أنا متأكده انها مهما كانت صغيره ربنا مش بيضيع تعب حد أبدا حتي لو مشفتش نتيجته دي في ساعتها

By: Ahmed Ali

Ahmed Ali — Fri, 14 Nov 2008 18:30:25 +0000

السلام عليكم
حد شاف حلقة مفيد فوزى بتاع الجمعة الى فاتت يا جماعة لو كان حد شافها كان هيعرف أن المرور مش هو المشكلة الحقيقية وأن فى مشاكل حقيقية أو هو مش المشكلة الرئيسية يا جماعة فى مشكلة جامدة جدا و هى مشكلة الفقر ومستوى الدخل المتدنى وأن خلاص معدش فى طبقة متوسطة يا جماعة فى ناس مش عايشة لو شوفتم الى أنا شوفته والى عرضه فيد فوزى فى البرنامج كنت هتغير رأيك حد شاف عشوئيات يا جماعة ……. انا شوفتها كنت ساكن فى مدينة نصر لفترة بالظبط فى الحى الثامن المهم أن أنا مش عارف حسن حظ ولا سوء حظ كنت فى أخر بلوك عمارات. العمارات دى الى كان بيفصلها عن منطقة من هذه العشوائيات حديقة العمارة الى أنا كنت ساكن فيها
أنا مكنتش متصور الأمر دة واتكلمت مع اصحابى فى الموضوع دة تصور حوالى 20 متر بس بينفصلم مستوى معيشة مختلف جدا العمارات فارهة ومستوى المعيشة عالى جدا كل عمرة لها الحديقة الخاصة بها والسكان مستويات وكل واحد عنده عربية لو مشيت عشرين متر أو أقل هتدخل منطقة أسمها عزبة الهجان أنت لا تتخيل الأمر لا تتخيل مستوى التخلف والجهل وعدم النظافة أنا مش عارف أوصف الى شوفته بس المستوى تحت الأرض
أين الدولة من هؤلاء
أين نحن
يا جماعة أنا شايف الى بيحصل فى الشارع المصرى سببه الفقر والجهل وطبعا البعد عن الله
تصور لو مشتوى معيشة مصر مرتفع و الأفراد يتمتعون بمستوى رفاهية عالى ماذا سيكن الحال
واقرب مشكلة قريبة مننا هى أن احنا لحد الأن بنجرى وراء الميكروباص علشان نركب دة لو جة أصلا وسعات بنستنا أو نمشى حتى نجد أى حاجة توصلنا حتى لو عربية نقل

By: Begin, just a step.. | bingorabbit's bLOG

Begin, just a step.. | bingorabbit's bLOG — Thu, 13 Nov 2008 15:09:47 +0000

[...] of my friends, Ahmed Soliman, who is starting an activity to look for solutions to our country’s problems, so when the circumstances are better, we [...]

By: Ahmed S. Farghal

Ahmed S. Farghal — Thu, 13 Nov 2008 10:54:59 +0000

بصراحه يا اشرف اناكمان متفاجئ جداً من حجم المشاركة و البوست اللي جاى ان شاء الله هانبتدي فيه الشغل الحقيقي ، عشان مايبقاش كلام و خلاص بس انا نفسي في مصريين عايشين بره يشتركو معانا و يا سلام لو دول متحضره زييك كدة يا عم اشرف عشان هانستفيد بالافكار اللي انت بتشوفها و عايشها كل يوم فحاول تجيب ناس من النوع ده