عشان الناس ماتنامش و عشان ده الموضوع اللي مابينيمنيش هانبتدي سريعاً سريعاً بكل المشاكل المتعلقة بالمرور و بالأخص القاهرة و انا اخترت القاهرة طبعاً عشان انا عايش فيها لكن بش بس كده لأن القاهرة بتعبر عن محصلة كل مشاكل مصر في المرور مجتمعة بسبب الزحام و الفوضوية.
تحذير هام : واضح جداً ان البوست ده هايكوون طويييييل جداً انا عمال احضره بجد بقالي فترة كبيره بس انا بفكر اقسمة على اكتر من بوست عشان الناس تقدر تتابع ، لما نشوف ايه اللي هايحصل 
الفكرة العامة هي ان الناس كلها بعد التخرج بتضطر تروح القاهرة عشان تلاقي فرصة عمل محترمة في شركة محترمه سواء شركة مالتي ناشونال او شرحة محليه لكن الحقيقة العاريه هي ان الشغل في القاهرة و ده لأن كل الشركات دي في القاهرة و للأسف مفيش نفس الفرصة في الأسكندرية مثلاً او غيرها.
و دة بيأدي الى الزياده المهووووووله في عدد سكان القاهرة سنوياً و طبعا ده معناه مشكله اكبر في المواصلات و اكبر في الشوارع ، و المشكلة دي لها حل موجود منذ قديم الأزل لكن احنا مفكرناش نعمله و ده هاتكلم فيه في بحث منفصل.
الكفاءة (Efficiency)
الشباب بتوع هندسة زي حالاتي و المدمنين للرياضيات يعرفو يعني ايه Efficiency و بياخدوها في كل المواد لكن قليل اللي بيعرف يطبقها على الحياة العمليه ، ببساطة الكفاءة هي (الخرج/الدخل) يعني مثلاً في حاله العربيات الدخل هو كمية الوقود و الخرج هو القدرة بالحصان فطبعا كل ما الخرج زاد و الدخل يبقى ثابت الكفاء تزييد يعني كل مالعربية تطلع قدرة اعلى من غير ما استهلاك البنزين يزيد يبقى كفاءتها عاليه آو الحل التاني ان القدره تبقى ثابته و الخرج يزيد ، المهم عشان مصدعكوش تعالو نشوف اشغاليه الشارع بنفس المنطلق ، الرجل (مثلا خريج هندسة) و عايز يشتغل في مكان محترم بيتعين و يلاقي نفسو عسان يجي الشغل كل يوم بالمواصلات لازم يتشتم و يتبهدل و يري ورا كام ميكروباص و كام سواق تاكسي يذلو ، و في الآخر مش عارف يتأخر في الشغل عشان خايف مايلاقيش اي حاجه توصلوا و يا سلام بقا لو بيلبس بدله يبقى مافيش حل انه يوصل على نفس الهيئة اللي خرج بيها من بيتو فكللل الشاب بيشترو عربيات بالتقسيط عشان يحمي نفسه من البهدله ، يبقي يا خواننا الموضوع عامل ازاي في الشوارع؟ كل شاب جديد دخل القاهرة (قريباً) جايب عربية مساحتها تقريباً ٣.٥ م * ٢.٨م يعني تقريباً ١٠ متر مربع في الشارع هو الوحيد المستفيد بيها يعني ال (foot print) بتاعت كل واحد جاي القاهرة هي ١٠ متر مربع و طبعاً ٩٩٪ من الوقت الراجل بيبقى راكب العربية لوحده يعني ال (overhead) كبير جداً و الزياده رهيييييبه عن قدرة شوارع القاهرة ، يعني الكفاءة سيئة جدا و عايزين نعليها.
فالحل الحقيقي للمشكله مش هو اننا نوسع الشوارع و نشيل الرصيف عشان نوسع الشارع لأن علميا ده هيحل المشكله لمدة سنه او اتنين بالكتيير لكن مش ده الحل الذكي ، ده هو الحل الظاهري و اللي مش ممكن تطبقه في حتت كتيييير لأن توسعه الشارع دي معناها انك تشيل العمارات او تلغي اماكن الركن و اللي هي حاجة اغبى من الاولانيه ، يبقى الخلاصة ان احنا بنحل الحل الغلط لأن احنا حللنا المشكلة غلط اساسا (انظر قاعدة الحل الغلط للمشكله الصح و اللي هي نفسها الحل الصح في المشكلة الغلط) و في الآخر نرجع نصرف فلوس بالهبل و المشكله ماتتحلش.
ايه بقا الاضرار التانيه اللي بتسببها المشكله دي؟
١- تلوث الهواء بمزيد من العادم الفتاك و برضو نصرف فلوس بالهبل و نقول ان مفيش حل
٢- زياده اسعار الوقود و زيوت السيارات و طبعا احنا لما نوفر البنزين يبقى هانصدره و ده احسن لينا كتير من اننا نستهلكوا لأننا بنخسر فيه لما بنبيعو محلي عشان مدعوم او على الأقل نوفروا و نزود الاحتياطي بتاعنا
٣- ارتفاع معدل صيانه الشوارع لان اسهلاك الشارع بسبب عدد العربيات هيزيد
٤- زياده عدد الحوادث بسبب التقارب بين السيارات و الهمجيه المفرطة في القيادة
٥- امتلاء الشوارع بالسيارات و انعدام فرص ايجاد ركنه لسيارتك و بالتالي تضطر تركن صف تاني و عربيتك تتحك
٦- انخفاض الاجتماعيه بين الشعب بسبب انعدام التواصل و عدم انخلاط طبقات الشعب المختلفة
يبقى الحل هو ؟ (عنوان الفقرة القادمة)
المواصلات العامة
المواصلات العامه المحترمة و المنظمة هي الحل الجذري لأغلب مشاكل المرور في مصر ، و ده لازم يتكلف مبالغ كبيرة جداً لكن المبالغ دي في محلها و ممكن بشوية حنكة تجاريه نوفر الفلوس بتاعت الصيانة و غيرو، خليني افهمك اكتر
دلوقتي لو افترضنا ان الميكروباص فيه منه امل (و هو مفيهوش) يعني لو الناس كلها بتركب ميكروباص يبقى الكفاءة عامله ازاي؟ كل ١٠ مواطنين جداد لو هايستخدموا ميكروباص يبقي كل ١٠ ب ميكروباص واحد جديد يعني ٤.٧ م طول و ٣ متر عرض (تقريباً) يعني ١٤ متر مربع يعني نصيب الواحد (footprint) تقريباً ١.٤١ متر مربع ، حد عارف الفرق ؟ الزياده في الكفاءة هي نفس النسبه (١٠ / ١.٤١) = ٧٠٩٪ يعني سبع مرات احسن ، تعالى نتكلم عن التكلفه بتاعت المثال ده، دلوقتي كل ميكروباص هافترض انه ب ٢٠٠ الف جنيه و بيستفين منه ال ١٠ اشخاص مرتين في اليوم الواحد و هو بيعمل في الساعه مشوارين يعني في ال ٢٤ ساعه بيوصل ٢٤٠ مواطن مرتين يبقى لو افترضت ان الناس اللي بتستخدمه دي هاتشتريه بالتقسيط يدفع كام كل واحد في سنتين؟ ٢٠٠ الف على ٢٤ شهر على ٢٤٠ شخص يعني ٣٤ جنيه في الشهر للمواطن و هيوصلوا مرتين في اليوم يعني تقريباً ١ جنيه في اليوم يعني ٥٠ قرش في التوصيله!!!
شفتوا الرياضيات حلوة ازاي؟ طبعا انا ماحطتش تكاليف الصيانه و تكلفه السواق لكن دول مش مهم لأني افترضت ان نفس الناس بتستخدم نفس الميكروباص كل يوم و ده مش حقيقي قوي لأن فيه مواسم و اجازات و الناس مش بتركب نفس الميكرباص يعني الميكروباصات (Interleaved)
الفكره انك في خلال سنتين بس هاتلم تمن الميكروباص بالكامل و على فكرة هو اختراع فااااشل بكل المقاييس في المدن الكبيره اللي زي القاهرة و بالتالي انا بقترح انه يكون بس في الاقاليم و المدن الصغيره نسبياً على انه يمون مملوك تحت شركه واحدة و يا سلام لو تكون شركة حكومية (بعد وضع خطة لأصلاح نظم الاداره في الشركات الحكومية في بحث تاني ان شاء الله) و ده عشان مايبقاش الناس تحت رحمة مجموعة من الجهله و الحراميه و يكون السواق متعلم و على خلق و مفيش حاجة اسمها تباع من اساسه و ده هوضح هايحصل ازاي كمان شوية
طب بما انة فاشل امال نعمل ايه في القاهرة؟؟ اقوللك
القاهره عايزة اوتوبيسات مش ميكروباصات لأنها اكثر كفاءة و مافيهاش بهدله لان الوتوبيس لازم يكون كل الناس فيه قاعده او بالكتير اتنين واقفين مثلاً و ده ممممكن تحقيقه (على فكره انا حسبت عدد الاشخاص في الميكروباص ١٠ مش ١٤ عشان تعرفوا ان الحسبه تمام لو الناس راكبه مرتاحه جداً كمان) و الفكره اني عايز اخلي القاهرة عباره عن خليه مشتعلة من الاوتوبيسات و اللي هاتشتغل زي النحل يعني وصول الاوتوبيس بميعاد و يوقف مده معينه و الناس مش هاتتزاحم عليه لأنه هايكون كتييير
انا عايز اشوف زحمة القاهره بتاحت النهارده دي بس تكون اوتوبيسات بس تخيلوا الكفاءة عامله ازاي؟! الناس كلللللها هاتوصل اسرع كتيير و اريح لأن العدد المنقول اكبر كتير (لو عايزين التفسير الرياضي فممكن بس انا قولت ماطولش و اسيب البديهيات للناس تفهمها)
الحاجه التانيه هي الترام (المترو) و اللي اقصدة اكتر هو الترام اللي فوق الأرض لأن اللي تحت الأرض تكلفتة عاليه جداً بس برضو مافيش مانع نشتغل في كام خط كمان بس الأولويه الترام ، طب اشمعنه؟
لأن احنا بالفعل عندنا بنيه تحتيه (الى حد ما) للترام و فيه خطوط موجودة فعلا ، طبعاً محتاجة صيانه و تغيير في كابلات الكهرباء و حاجات كده بس احسن من مفيش، الترام الكفاءة بتاعته اكبر ما يمكن و كمان ممكن يبقى الطيق بتاعه مرصوف بحيث الاوتوبيس يمشي في نفس الحاره بتاعته و طبعا كل حاجه ماشيه زي الساعه فالاوتوبيس مش هايقاطع مع الترام بأي شكل من الاشكال ، يعني مش مهم الشوارع تبقى اديق لو حطينا فيها ترام ، المهم الترام يكون نضيف جداً و سريع و منظم. و دي شويه صور بتوضح اللي بقولو و باوريكوا انه موجود ف دول تانيه
انا هاكتفي بكده النهاردة و هكمل النقط التاليه في مرات لاحقه عشان ادي فرصه للناس تفكر و تقول افكارها عشان احطها.
تحديث: انا بس حبيت اضيف الجزء ده لأنه هيوضح الصوره أكتر
الحاجة التانيه هي تشجيع الناس على استخدام المواصلات العامة و مثلاً ده يحصل بأنك هتروح اي حته بس بتكلفه المواصلات لكن نعمل اماكن داخل القاهرة بفلوس يعني مثلاً منطقة وسط البلد الدخول لها ب ٥ جنيه و هكذا و كمان عروض على اشتراكات المواصلات يعني لو معاك كارت اشتراك في المواصلات لمدة اسبوع تاخد تخفيض ١٠٪ على تذاكر السينيما مثلاً او كدة
كمان نرجع تاني نستخدم الجعل (الدراجة) و يبقى فيه قواعد للسير بالعجل بحيث ان الموضوع يبقى آمن و سهل و كمان اماكن لركن العجل تحت حراسة محترمة فالناس تستخدم العجل في المشاوير القصيره او حتى الطويلة لو عايزة
كمان الفكرة اللي في دماغي شوفتها في سويسرا و هي ان كل المواصلات العامة تبقى تحت القطاع العام و تبقى المدينه متقسمه مناطق و تقدر تجيب التذكرة بالمده بحيث ان التذكرة مثلا صالحه لمدة ثلاث ساعات تركب فيها اللي انت عايزة
كمان ليه مانستخدمش النقل النهري؟ يعني ليه اللي عايز يروح من المعادي مثلا لشبرا بالمركب السريع اللي مفيش قدامه عوائق؟
كمان ممكن للمسافات الطويله يعني مثلاً من المنصورة للقاهرة يبقى جامد جداً
رجال المرور
المراقبة
رخص القيادة
اداب القيادة
عبور المشاة
Belzaaabt ..
Babaya 2ale el fekra de w2ale en el kalam dah Bara mn zamaaan ..
Kan fe Hollanda w Belgium wkan fe kroot lel Tram wel nas shayla menha keteer ..
zay krot el sha7n keda wl nas sa3eda wrakna 3arbeyat-ha fel garage ..!
bas Kan fe >>showayet<< NOTE (wa7da)
el wa2t el wa2t .. el waaaa2t …!
Thank you
مقال ممتاز وشىء جميل انك تفكر إزاى تنقذ مصر من المهزلة اللى هيه فيها دى
ولكن لحد النهاردة مافيش ولا دولة لقت حل لمشكلة الزحمة
الدول الغربية بالحلاوة والجمال اللى انت بتشوفة ده لإن عدد الناس فى كل بلد محدود لذلك تلاقى كل واحد عايش في بيت لوحدة وهكذا – بس برضة لما بتروح المدن الكبيرة زى لندن ونيويورك وباريس بتلاقى الناس متكربسة فوق بعضها فى عمارات زى مصر وأسوأ كمان بس الكويس فى الدول الغربية ان انت مش لازم تعيش فى لندن يعنى الشركات متوزعة ده غير ان الناس أصلاً متوزعة على البلد. خد عندك مثال بريطانيا – تقريباً نفس مساحة مصر وتقريباً نفس عدد سكان مصر ولكن الفرق شاسع لاتجد فى بريطانيا زحام إلا فى البلاد الرئيسية زى لندن وجلاسجو وادنبرة والخ الخ. أما فى مصر فين ماتروح تلاقى زحمة وده بيحط ضغط رهيب على جميع المرافق وبيخليها تقع كما هو الحال فى معظم الأماكن فى مصر علشان كده لازم نبتدى نستغل مساحة مصر كلها وفية تجارب كتير جداً ناجحة للبناء فى الصحراء وتخضيرها وأبرز هذه الأمئلة طريق مصر اسكندرية الصحراوى اللى ماعدش فية ولا حته صحراوية وبقى كلة بناء وتخضير.
أنا رأيى ان أحسن حاجة نعملها فى القاهرة هى اننا أولاً نقلل تشجيع الناس على انهم ينتقلوا للقاهرة وده عن طريق افتتاح مشاريع كبيرة برة القاهرة زى مثلاً القرية الذكية – وإن كانت أصبحت دلوقتى جزء من القاهرة ولكن أهى خطوة برضة – أو عن طريق مدن جديدة زى ستة أكتوبر. الحاجات دى لولاها كانت القاهرة فى كارثة حقيقية دلوقتى لإنها استوعبت ملايين الناس اللى كانوا هيفضلوا فى القاهرة أو هينتقلوا إليها من خارجها. المرحلة اللى بعد كده اننا نشجع الناس تسيب القاهرة.
يعنى انت مثلاً دلوقتى راجل متحوز عمرك ماتفكر تشترى شقة فى مكان غير مأهول لإنك عاوز تقيم فيها دلوقتى – أما طفل عنده خمس سنوات مثلاً ممكن أبوه يفكر يحوشلة ولو عشرة جنية كل شهر ويشتريلة شقة فى الصحراء يكون تمنها رخيص جداً – فممكن الدولة تعمل خطه مستقبلية لتمليك شقق لشباب المستقبل عن طريق ان الوالدين بيحجزوا الشقة للطفل وهو سنة صغير وعلى مايوصل سنة عشرين سنة ولاحاجة يكوت سدد تمنها – والشقق دى طبعاً تبقى فى أماكن غير مأهولة زى الطرق الصحراوية والحتت دى لإنها على ماالعيل يكبر هتكون اتعمرت.
وهذا رأيى والسلام عليكم ورحمة الله وبركاتة
يا احمد المشكله صدقنى فى الناس مش فى المواصلات
طبعا الناس لو ده حصل وبقى فيه اتوبيسات بتروح فى كل حته وباعداد كبيره
الناس مش هتنزل من عربيتها وتركب اتوبيس
المشكله كمان يا احمد ان اعداد الناس كتيره جدا يعنى اصلا المواصلات زحمه رغم ان فى اعداد وانواع كتير فى القاهره من وسائل لمواصلات
شوف المترو عامل ازاىوالناس بتقعد فوق بعضها ازاى
والاتوبسات السكه اللى ماشيه فى البلد شوف برده الناس بتبقى جواها عامله ازاى
يعنى انت لو حسبت بقى هما عايزين كام اتوبيس علشان يكفوا الناس دى كلها على اساس ان مفيش حد هينزل بعربيتوا
هتلاقى ان الطرق هتبقى زحمه من كتر الاتوبيسات
وارجع اقولك ان المشكله فى الناس مش فى المواصلات
متقنعنيش ان تفكير المصرى اللى بيحب الفشخره هيخليه ينزل من عربيتوا ويركب اتوبيس علشان يحل ازمه المرور
انسى يا حج
“بعد وضع خطة لأصلاح نظم الاداره في الشركات الحكومية في بحث تاني ان شاء الله”
والله أنا من رأيي نظبط الموضوع ده الأول و كل الحاجات اللي بعد كده هتبقي سهله وممكنه
و من حيث الأفكار اللي إنته قلتها فهيه جميله و يا ريت تتطبق …
@Mahmoud EL-Gazzaz
علي فكره المصري مش وحش قوي كده … هوه بس اللي إتعود علي الحاجات دي من صغره … يعني نطبق بس الكلام ده و إنته هتلاقي الناس بتركب الأتوبيس بدل العربيه
كلام جميل ومنظم وتفكير منطقي لحل المشاكل … بس مش عارف مشاكل مين .. يعني مشاكل مصر ولا مشاكل في حتة تانية
انا منكرش ان الحكومة الحالية عملت حاجات كويسة ومحترمة للمواطن المصري .. زي بيع القطاع العام باقل الاسعار وحافظت حفاظ واضح عليه في طابور العيش “حيث انه لم يمت الا القليل والباقي جرحى” وحبت توفر الكرامة الكاملة لينا فحطت في العيش علف حيواني بدل الدقيق بتاع الناس الوحشين
طبعا الافكار جميلة زي ما قولت بس دي مش عاوزة الحكومة او الوزارة هيه الي تطبقها .. لان ان شاء الله هتطبقها بتطوير برده للحفاظ على مكانة المواطن زي موضحت قبل كده
طيب ايه الحل ..؟؟؟
لو الحكومات المتعاقبة فعلا عندها نية الاصلاح بس مش عارفة .. انا رايي انها تقسم الوزارات الي قطاعات صغيرة جدا كل قطاع يباه مسؤول قدام الوزارة عن الجزء بتاعوا ويوضع على راس القطاعات دي الناس الي مؤمنة بافكار كويسة مماثلة للقطاع الي الحكومة هتعملوا
يعني مش اي حد يجي بالاقدمية يمسك القطاع دا علشان الترقية وخلاص .. لا يباه فيه آلية لمناقشة المشاكل واقتراح الحلول زي ما احنا بنتكلم هنا كده
والحل الافضل يقتل بحثا ونجيب صاحب الحل دا هوه الي يكون مسؤول عن القطاع دا
وتخيل باه صاحب الفكرة دي هيعمل ايه علشان يصلح من القطاع بتاعو ويثبت صحة نظيتوا في الاصلاح اكيد هيموت نفسوا لحد لما افكارو وتبدا تثمر على ارض الواقع ولما يشوف الثمار دي هيشتغل اكتر علشان يحافظ عليها
طبعا انا متكلمتش على موضوع المرور لاني شايف ان الكلام الي كتبو المهندس احمد جميل ومنظم وكلوا عجبني جدا لكن مين الي هيطبقوا اذا لم يحدث اصلاح اداري اولاَ
“لو الحكومات المتعاقبة فعلا عندها نية الاصلاح بس مش عارفة”
انا نسيت بس اذكر ان لو الحكومة عارفة اذاي تضلح وبتستعبط او مطنشة
يباه عليه العوض
The idea is really great, and if it’s executed will be wonderful and very efficient,
it’ll need so much time, to prepare new buses, trams, but why not…
if it’s really done i’m afraid we’ll face another big problem as “Gamal” said, which is TIME…
here in Egypt, time is nothing… to apply such a great idea, u need to set the times very accurate, by minute difference, here 15 mins difference is very normal..!!
The other thing is the culture, I believe we need to work on changing the idea of public transportation, meaning people need to be convinced that it won’t be humiliation for them to get into it.. so they really can get rid of their cars,…
and i’m not with “Mahmoud EL-Gazzaz” that people are very arrogant to use the public transport just to be seen in their cars..
blv me, if it’s clean, neat and can reach wherever you want, at least 90% will do it…
@Ashraf El Refaey:
you are right that we need to move out from Cairo, what is going on those days is a REAL disaster, this will be cool when big companies opens big branches on other towns,
Alexandria for example, or many others,
the other point is about the big cities like New york or London,although they are very very crowded bit at least there are more organized systems to control it, nothing is very barbaric as traffic in Egypt now…
Allah el mo3een
تشجيع الناس على استخدام المواصلات العامة
ايوة .. الموضوع ده فعلا هيجيب نتيجة على ما أعتقد .. انا حتى ابتديت اتخيل الإعلانات..
انا اخدت بالي من حاجة تانية الوقتي.. إن المواصلات دي فكرة كويسة من ناحية الbusiness جداااا
هو ليه محدش فكر فيها ؟
السلام عليكم
انا فعلا كنت متوقعه ان أول المشاكل المقترحه هاتكون مشكلة المرور .. و طبعا أنت ليك حق في ده
لأن للأسف مشكلة المرور بتعكس مأساه العشوائيه و الجهل اللي منتشرين في المجتمع المصري .. لكن الشارع هو اللي بيظهرها بكل وضوح
مبدئيا انا شايفه فكرة المواصلات العامه دي فكره ممتازه و مش هاعيد الأسباب اللي انت قولتها لكن فعلا الناس لو بتلاقي مواصلات سريعه – نظيفه – محترمه – بتغطي القاهره كلها ايه اللي هايخلليها تقول لأ
و أصلا في الوقت الحالي في نسبه كبيره من سكان القاهره بتعتمد علي الموصلات العامه في تنقلاتها بالفعل .. لكن مع العشوائيه و سوء التنظيم احنا بندفع النسبه دي لايجاد حل اخر يرحمها من البهدله و طبعا مفيش غير انه يشتري عربيه خاصه و يزود المشكله مشكله
إقتراحي :
أولا نحافظ علي النسبه دي اللي هي حاليا بتستخدم المواصلات العامه بتحسين الخدمه اللي بنقدمها ليهم .. أنجح مثال حاليا في القاهره هو المترو برغم انه برضه له مشاكل عديده لكن حاليا هو احسن خدمه موجوده و أقلها بهدله .. ممكن يكون فيه نظام للاشتراكات و التخفيضات و ممكن نظام للحجز و انتظام المواعيد و حتي صيانة المترو نفسه و وسائل التهويه داخل العربيات هايفرق مع الناس كتير جدا
الترام .. وسيلة مواصلات موجوده فعلا .. لكنها علي اخر قايمة المواصلات العامه عندنا لأنها قديمه جدا و بطيئه جدا و الخدمه المقدمه فيها شديدة السوء و بالرغم من كل ده تلاقيها زحمه جدااااااااااااا … تحديث الترام (اللي هو موجود بالفعل يعني مش محتاجين نعمله خطوط لسه) و تجديده و تطوير نظام العمل بيه زي مثلا نعمله خطوط سير واضحه و معروفه زي المترو و محطات توقف و ركوب معروفه و يبقي له مواعيد و في ترام مثلا كل عشر دقايق أو ربع ساعه زي المترو (الترام حاليا مالوش اي مواعيد و معظم الناس ماتعرفش بيروح فين و ييجي منين)
مع ملاحظة ان الترام تكلفته أقل بكتير من المترو و انه ممكن يستوعب اعداد مقاربه تقريبا
أخيرا الاتوبيسات .. وأعتقد ان انت قلت ما فيه الكفايه في قصة الاتوبيسات دي
فكرة العجله ( الدراجه) دي فكره مطبقه في دول أكثر ازدحاما من مصر عشرات المرات .. زي الصين مثلا .. الفكره عباره عن ان الدراجات متاحه و موجوده في محطات خاصه و حد ياخدها يعمل بيها مشواره و يركنها في اقرب محطه للمكان اللي هو رايحه أو يرجعها تاني .. يعني العجله أصبحت جزء من المواصلات العامه (و لو اني معرفش ده ممكن يطبق في مصر ازاي
)
بعد ما تحافظ علي الناس اللي بتستخدم المواصلات العامه فعلا … المرحله التانيه نفكر ازاي نزيد النسبه دي و نتجذب الناس لاستخدامها بدلا من العربيات الخاصه
و دي و ان كانت بعيده شويه بس هانفكر فيها برضه
ملاحظة بس ، في مبدأ في الرياضيات كدة هو اللي انا ماشي عبه في تحليلي و هو ان لو عندك مشكلة معتمدة على بعضها زي مشاكل مصر يبقى نثبت بقيت المشاكل و نحل واحدة و بعدين نعمل كدة مع الباقي
يعني ببساطة عشان نحل مشاكل المرور مثلاً تخيلوا اننا حلينا بقيت المشاكل (اعصر على نفسك لمونه و اسمع كلامي ، دي طريقة ممتازه للتحليل لأنك لو معملتش كده هينتهي بيك الامر انك تحاول تحل كل المشاكل في نفس الوقت و مش هتقدر حط قدر الاهتمام الكافي لحل كل مشكله منفصلة
wana bakra2 el post fel awel gat fi dema3;y fekret el mowaslat el 3amma di
, bas gat fi dema3′y b shakl tany, yeb2a kol sherka mathalan 3andaha 2 Microbus yegeebo el mowazafeen beto3hom mn beyt-hom b shakl metrateb b 7ess en el Microbus yewsal fi ma3ad el sho3′l, w dah mawgod fi sharekat kebeera fi masr btw, w fel madares kaman 
w law el sherka nafezet el 5etta el maleya elli enta 7atet-ha di, momken telem taman el microbus fe3lan.
Fi 7aga ba2a kaman, bas di me7taga kal3ada time wel aktar mn el time sho3′l w mag-hod mahol, dah 3′er enaha hateb2a 3ala ketf el 7okoma
Fel emarate, mafesh 7ad beya5od el ro5sa 3ala shan yeso2 bel sahel, dool beygebo mn wara el mawdo3 dah floos keteer gedan, la2en kol lama wa7ed yes2at fi emt7an el sowa2a beya5od course taba3 el 7okoma w yedfa3 3ala el course dah floos le7ad ma yet3alem sa7. Elmohem mosh di no2teti, elli 3erefto en henak el shaware3 met2asema 7arat, we law dost 3ala el 5at elli been el 7ara wel 7ara, ta5od mo5alfa..3an tare2 nezam esmo “Alneqat” (Points), ana shayef en dah nezam kowies, howa tab3an mosh mawdo3 mo5alfet el 5at bas, la2 dah kaman ay mo5alfa, w lama tewsal 3adad mo3ayan mn el no2at, tetsa7ab el ro5sa w matso2sh tany, sa3et-ha hatedtar tebos 3ala el mowaslat el 3amma w maytba2ash ella elli bey3rafo yeso2o bas.
Mn demn el 7agat, ennak mathalan lama teegy telef medan, el medan beyb2a met2asem le four lanes, wa7da law hated5ol shemal w 3 law hatemshy tawali, wenta da5el el medan ba2a, el lane elli hatemshy feeh, temhseh le a5ro, mayenfa3sh mathalan ted5ol fel lane el awalany elli hayda5alak shemal, w ba3den temshy tawali, fa ta5od mo5alfa.
Tab3an el system henak automated, w betetla2at law kont fel mare5, bas 3ala shan ne3mel 7aga zai di hena, daroory yeb2a fi floos w dah mosh hane3raf nela2eh, enama momken nesta5dem zabet el moror elli malosh lazma ta7t el eshara el automatic.
w fi fekra kaman, en el mawdo3 dah yeb2a taba3 sherka 5assa, wel 7okoma tebe3 7a2 el moror dah leeha, w heya tenazamo talama el 7okouma nafsaha mosh 2adra te3mel 7aga, w dah bardo howa el nezam elli fel emerate I think.
ahhhh, fi 7aga kaman, 2orayeba shwaya mn mawdo3 sala7eyet el tazkara dah, homa 3amleen henak bawabat 3ala el amaken el mohema, b 7ees ennak teshtery card esmo “Salek”, el cart dah, bey7aded enta raye7 feen bel zabt w hatemshy meneen 3ala shan tewsal, law et2afasht fi 7etta 3′eer elli el mafrod temshy feeha, bardo yet7eseb 3alek no2at
Thanks in Advance!
PS: momken ne3mel el system dah mashro3 t5arog
Well, ana mesh 3awez a7betko wala 7aga, we ana kont 3awez a3ala2 bas el 7a2e2a mala2etsh afkar gededa awy 3an elly ento 2oltoha. But I like the proposed solutions and the communication, I just wanna know one thing alone. Why are we doing this ? What’s our goal ? En e7na neb2a 3amalna elly 3alena 2odam rabena ? walla en yemken 7ad men el mas2oleen yeshoof el kalam da aw el kalam yantasher been el shabab fa ye3mel ekbal raheeb we yewsal lel mas2oleen ? ana fe3lan 3awez a3raf egaba lel so2al da? ana wallahy mesh gai a7betko, bas ana mesh la2y egaba we de 7aga mewa2afany 3an enny afakar, I always wanna look at a long term goal. What will we do after we put solutions ? Knock the doors for them to be applied or what do u exactly have in minds ? Ana mesh batarya2 wallahy ya gama3a ana fe3lan bas2al
Thanks
@Bingo:
this kind of exams are not in emirates only, it’s also in many countries, I was just talking to my sister-in-law who’s in England, and she was complaining that it has been more than a year and she can’t pass the driving test, last time because she forget to give a right signal on her right turn
nice…
so, if the exams and fines are really that tough, it won’t only make people think about using public transports (clean, organized, time saving…etc.) but also it’ll teach people how to DRIVE, and what does TRAFFIC LANE means, and how to maintain your own lane … so many things would differ at then,,
PS: 7awlo terakezo fe3lan 3ala el 5toot fel share3, we 7awel masalan wenta saye2 to maintain you lane.. we shoof el mahzala
أحسن حاجه انك بتكتب بالعربى
أنا بصراحه مش بفهم فى موضوع المرور ونظامه والحاجات دى .
بس فهمت طبعا اللى انت بتقولوا وبما انى واحده معندهاش عربيه فطبعا بركب مواصلات عامه وقليل أوى لما بركب تاكسى .. وطبعا مش هقول على البهدله اللى بتبهدلها .. ده ذل
فأكيد محتاجين تنظيم فيها أكتر من كده سواء من الحكومه أو حتى من الشعب … يعنى مثلا امبارح كنا فى المنصوره أنا وماما وبابا طبعا دوا ناس متعوده على البهدله وخدنا المنصوره كعب داير وكمان لحد طلخا فكنت خلصت مش بنزين بس لأ وزيت كمان
المهم مفيش عربيات (ميكروباصات ) وفضلنا واقفين شويه واحنا واقفين شوفنا واحده ست كبيره مش صغيره بتجرى ورا الميكروباص فماما بتقول ليه كده قولتلها ليه كده ايه – بما انى متعوده على الحاجات دى – مهى لو معملتش كده مش هتركب ومش هتروح ولو احنا موقفناش وزحمنا فى وسط الولاد اللى بيزقونا ينطرونا مش هنركب .. قالتلى مش مهم نروح …!
دانا بتبهدل بهدله لدرجه والله مره من كتر ما اتزقيت من رجاله وستات كنت هعيط
ودى من أكتر الحاجات اللى مخليانى عاوزه أشترى عربيه بجانب البرستيج طبعا
أه عجبتنى أوى الدراسات اللى انت عاملها دى واستفادتك من الرياضيات بما انى واحده – مش عارفه أقول كنت ولا مازلت – بحب الرياضيات
ومستنيه البوست القادم
سلام
طيب احب اضيف ان في كمية كبيرة من السيارات بتيجي كل يوم من خارج القاهرة
اعتقد لو اجبرنا كل الناس دي تركن سيارتها في مواقف خارج القاهرة بشكل منظم و بعد كده يركب احد وسائل المواصلات العامة اللي انت اقترحتها هتقلل الزحمة بشكل تراجيدي
و طبعا مواقف السيارات دي هتكون بفلوس رمزية
الكلام ده بيتطبق في مكة في الايام الزحمة بس المواقف اللي برة مكة دي مجانية
طبعا ممكن نسمح بدخول السيارات اللي عايزة تدخل بس هندفعه مبلغ محترم عشان يدخل و بالتالي فأوفر له انه يركن السيارة و يركب مواصلات عامه
كمان هيضمن انه هيوصل بسرعة خصوصا الناس اللي بتيجي القاهرة يوم واحد عشان تقضي مصلحة و تمشي في نفس اليوم
@Ahmed Abdalla: Yes, I intend to do most of what you said, but this is not my main point. I explained that earlier here http://www.ahmedsoliman.com/2008/11/10/suggest1/
@Sinar: exactly, “3asforen b zalata wa7da”
I Disagree wiz Nano about staying in Your Own Lane , 3arfa leah , coz i’ve driving since forever and i couldn’t mesh 3ashn ana ba7eb a’7od 3oraz wallahi ,bas last time i did kont 3ala el mala2an we medeya eshra yemen welly 3ala shemaly kasar 3alayaa we da3 el kaboot wel fanos we my door 3ashan 3ayez yed5ol yemen 2abli we kan Scene
fa i learned enny mesh amshy fe my lane ‘7ales 
we asebha le el nas elly 3ayzaha lazem mesa3i ba3d , i appreciate all the time and the effort you are trying 2 do ya a7med 2 solve the problem bas i have to agree with ahmed eno meen elly hatbanna ektera7aak we yenafezo fe3lna 
wish begad en el kalam da yetaba2 
@ least mesh hattar aroo7 el banzeena kol yom 
we a2olo 20 92 
..
we @ bingo eah mawdoo3 el zalat da
I only skimmed through the responses so forgive me if I sound repetitive when
In big cities here such as Houston, San Fransisco, Los Angeles, Atlanta, etc.. they have a very nice rule that limits the number of cars on the highways (the crucial veins for traffic!). They have what’s called HOV (High Occupancy Vehicle) lanes, where there has to be atleast 2 passengers in the car. These lanes are the least busy lanes during rush hours and thus, they encourage people to carpool (i.e share the ride rather than drive individually) so they could get to their destinations faster.
Elmoshkela fmasr is that theres TOO MANY cars! I guess limiting the number of new cars will help alot with reducing traffic jams, but obviously that not even half of the solution.
Another important point is to have stricter laws. Now i know this sounds quite redundant, however this is the keystone to anything else that follows! People need to stop parking in no-parking areas. They need to abide with lane borders, speed limits, and most importantly traffic lights (which also needs to be worked on once traffic laws are actually enforced) because step by step, traffic will (inshaAllah!) regulate itself. Along with such improvements should be a traffic control districts to monitor traffic flow and to help clear the way for emergency vehicles.
Last, but indeed not least, is the metropolian transit system. When I was in Egypt, I was too young to drive so I regularly took otobees 939 (from madinet nasr lel masr el gedeeda), and I would take the CTF (the air-conditioned bus when available, which is almost never. I’m pretty sure many of you might disagree, but I think a possible solution for public transportation fmasr is to privatize it. A private company will likely be alittle more expensive than what the government charges people, however it’ll put more effort towards effeciency and sticking to a schedule because they want to survive as a company, and if they fail to properly replace the government’s buses then they will fail and be replaced by another company by the government.
In the states, the tax system is very different from Egypt, thus the government spending and monetary system cannot be compared side to side. I would love to go further on this topic but it’s beyond the scope of this discussion, so I’m gonna keep it to that. For now, i’ll jts say that this is one of Egypt’s weakest points (and it’s the primary factor for a low budgeted government)….
Keep up the flow of good ideas! MashaAllah we have a fine collection of brilliant minds
I like your ideas Ashraf and they seem perfectly aligned to what I’m thinking about, so lets summarize that and build a wider article collecting all good ideas, I may be writing a book soon about that
@Dandona: I disagree, because if you are right about something and you got hurt, then the “right” is not the “wrong” but it’s someone’s else “wrong” seemed to him to be “right”, so you ended up to be “wrong” like him
@Abd4lla, Dandona: Please read the previous post and you will understand (hopefully)
Ana Shayfa En el Mawdoo3 Hayeb2a Gamed Geddan Law Wasal El 7al Beta3ak le Ed 7ad beyfham we 3ayez masla7et el Balad ,EL Moshkela Ya A7med En
“الشباب الذي الموضوعي المتعلم” Mosh Fe Edo Ay 7aga 7atta law el 7al Mawgod Men Ely Haynafez el Fekra De , Begad I Wish Wallahi eno Would Work Aw Eni A3esh Fe Masr Le ‘3ayet el Yom Da,
Rabbena Ma3ak Begad..
el fkra 7lwa awy w successful as hya asln mwgooda fy amakn tanya kteer,
ana shoft el buses dy fy el kuwait shaklaha byb2a 7lw awy w btb2a ndeefa gdan w el nas btsta5dmha w f3ln mafeesh mashakl fy el moroor hnak,
ana lw la2eet buses zy dy fy msr haseeb el 3rbya w hrkbha y3ny people’s attitude msh howa el moshkla el nas lw la2t 7aga ndeefa w mawa3dha mzboota w twsl sho3′laha asra3 hatet3wd 3leeha ,
w kman momkn yb2a fy areas mamno3 tmshy feeha bl3rbya zy el amakn el z7ma awy fy msr fa el nas hatb2a forced enha terkn w tnzl terkab el buses,
el moshkla el 7a2ee2ya fy el nas ely hatmsk el mwdoo3 dh
-el nas el ms2ola 3n el w2t en kol bus ytl3 fy m3ado
-”el saw2een” dol mohmeen awy la2n lw sawa2een el microbuses ely mawgoden now homa ely eshta3′lo fy 7aga zy dy yb2a e7na bnzwd el moshkla msh bn7lha
w kman moshklet el floos although lw sherka 5asa mskto msh hatb2a el flos moshkla awy
and i don’t think it’s a good idea en el 7kooma hya ely tb2a mas2ola
la2n el 7kooma befard en el fkra wasletlaha haynfzooha 3′alat y3ny haygeebo el buses el adeema ely b2alha 100 sna w nfs el swa2een
w tb2a el msohkla kbrt aktaar
Thanx
كمان ليه مانستخدمش النقل النهري؟ يعني ليه اللي عايز يروح من المعادي مثلا لشبرا بالمركب السريع اللي مفيش قدامه عوائق؟
واضح ان فيه امل بجد
http://www.masrawy.com/News/Egypt/Politics/2009/february/19/cairo_nile.aspx?ref=rss