مش عارف ابتدي منين و اقول ايه اصلا بس انا لازم اتكلم و اصرخ ، مش عارف ليه و لا هايفيد بأيه بس مش قادر اسكت مش قادر اسكت …عندي احساس رهيييييب بالألم
احساس بالألم لاني عارف ان برضوا العرب هاتسكت على مذبحة غزة اللي العالم مغمض عينيه عنها و دافن راسف في الرمل و اللي العرب ماتهزوش زي ماهما برضوا ماتهزوش من ايام صابرا و شاتيلا ، احساس بالألم لاني مش فاهم انا عايش ليه اذا ماكنتش عايش عشان ادافع عن اخواتي ، ازاي اكون عايش و بستمتع بالحياه لما اشوف اخويا بيتقتل و انا ممدد رجلي على الترابيزة باتفرج عليه في الاخبار و في ايدي كيس الفيشار!! طيب لما يجي الدور علينا ( و احنا عارفين و متأكدين انو جاي جاي) هايبقى ايه احساسنا و احنا بتدبح و بينتهك عرض بلدنا و ديننا و اخواتنا العرب و المسلمين و حتى المسيحين بيتفرجوا! اماااال احنا بنعمل ايه بالفلوس؟ هو فيه ايه في الدنيا كلها اهم من اخواتي؟؟؟
امبارح و الله ماعرفت انام من الالم و الحزن و الاحساس الرهيب بالعجز و الخجل و الضعف و الثورة ، احاسيس متضاربة و سؤال واحد بس بيضرب في دماغي ، هانقول لربنا كنا فييييين لما كان المسلمين و العرب بيتدبحوا قداااااام عينينا ؟؟ كنا فين ؟
الحقيقة انا مش عارف افكر و كمان مكسوف قوي اني اقول اني مصري بعد ما كانت مصر دي زمان ارض الكنانه و اللي كان بيتعملها ١٠٠٠ حساب ايام عبد الناصر و غيرو…
انا مش بتاع سياسة ، لكن انا بشر و مش قادر بأي شكل من الأشكال اتأقلم مع احساس المهانة و الذل و مش قادر اسكت بس برضوا مش قادر اتكلم ، هاقول ايه؟ و لا هاعمل ايه ؟ اللي يقول دلوقتي هو الاقوي ، المتقدم علميا و المتفوق اقتصادياً (امريكا و اسرائيل) و احنا نسكت و نتأمل في قدرتهم على الابداع و قدرتنا الخارقة على الاستهلاك ، برافو يا عرب
معلومات للي ضايع و مايعرفش: امبارح بس استشهد ٢٢٥ فلسطيني و اصيب ٧٠٠ جريح و اللي هايموت نصهم و اكتر عشان مافيش علاج ولا مستشفيات تكفين في غزة الملاصقه لرفح المصرية
حسبي الله و نعم الوكيل – حسبي الله و نعم الوكيل
by mohamed
28 Dec 2008 at 11:48
ana shyf wallhy en ele by7sal da lazem yekhaly gowa ay muslim kowa gabara tekhaleh ye3mel ay 7agah 3ashan yesa7a7 men nafso we yte7amel ay 7agah fe sabel enoh yesala7 kaman ele 7awalleh…la2en bebasatah el modo3 mesh haytghayr gheer lama neghyar nafsna…ana ba2ol el kalam da le nafsy el 2awel 2abl ma2ol le ay 7ad tany.
mafrod en el donia matkhdonash awi keda :S…fa badal el kalam e7na lazem neshtghal lel esla7 el deny we ele ana shyf eno hykoon sabel esla7 kol 7agaha 3andena …dah ra2y we rabena ye3ena 3alla anfosna la2en howa da el gehad el sa3b we as3ab men enak tedkhol 7arb…
by Ibrahim Ahmed
28 Dec 2008 at 12:09
السلام عليكم ورحمة الله
مالك يا هندسة .. زعلان ليه ..
هوه ايه الي حصل .. هوه الي حصل دا حاجة غير عادية ولا حاجة!!!!؟
العادي اننا ننضرب ونتهان .. لاننا سيبنا دينا
العادي ان 225 واحد يتعدموا – يستشهدو- لان دول مسلمين با عم الحج
لكن الي مش عادي باه ان حماس تضرب بمب في اسرائيل
انت متعرفش البمب دا بيعمل ايه ؟؟؟ دا خطر جدا .. تخيل انت نايم في سريرك وسمعت الصوت بتاع البمب دا في الشارع
دا بيعمل زعر للسكان الاسرائيلين .. ولا انت مش معايا!!؟
هوه صحيح عمر الصورايخ بتاع حماس دي ما موتت حد .. تقريبا الي بينشل بيها احول .. بس بيخضهم .. انت متخيل يعني ايه تخض شعب الله المختار
وتقولي 225 ماتو
————-
انا مش عارف ربنا هيسامحنا ولا لا
بجد مش عارف .. بس الحمد لله الحكام مسكتوش .. شجبو واستنكرو الي حصل دا .. الحمد لله
انا مش عارف انا عاوز اقول ايه .. انا زهقت
بس ايه العمل
بجد ايه العمل باه ..
لامتى هنفضل سكتين على الي بيحصل دا
واقصى حاجة نعملها اننا نبكي او ندعي
انا مش قادر اتحمل ..عاوز اعمل حاجة بس حتى مش عارف ايه هيه الحاجة دي
المشكلة مش في اخواتنا الي بيموتو وبلدنا الي بتنتهك
المشكلة اننا للدرجة دي هاينين على بعض … لدرجة دي ناسيين بعض .. للدرجة دي مش هاممنا الاسلام الي في صدور الناس الي ماتت دي
يموتو بسهولة كده
يارب ارزقنا الشهادة واحنا بندافع وبنحارب من اجلك ومن اجل دينك
وارحم واغفر للمسلمين وصحي فيهم قلوبهم لانها ماتت ومعدش بيفرق معاها
by sara gom3a
28 Dec 2008 at 13:46
فعلا احنا هنقول لربن ايه لما يسألنا عن المسلمين اللى بيموتو وعن هتك عرضنا وعرض الاسلام والمسلمين واحنا ساكتين
للأسف بقيت مكسوفة من نفسى لما اقول انى مصرية لأنها معدتش حاجة تشرف
لما نصدر الغاز مدعم علشان اقتل بيه المسليمن ولما نقفل باب النجاة فى وش اللى بيستغيثو بينا ولما نسكت عن كل اهانة لمسلمين وللاسلام ولما ولما ولما …….
اللهم انى أسألك الشهادة عن الموت فى سبيل الدفاع عن الاسلام والمسلمين
اللهم اضرب باليهود بعضهم بعضا
by هوندا
28 Dec 2008 at 14:34
عارف المصيبة ايه ؟
العملاء الفلسطنيين الى بيساعدو اسرائيل لضرب المناطق الى عليها الهدف
زى بالظبط مااستدلو على الشيخ ياسين كانو عملاء فلسطنين بردو
http://www.youm7.com//News.asp?NewsID=59321
by Ibrahim Ahmed
28 Dec 2008 at 16:27
لا .. انا اسف هوندا … متحاولش تبرر لينا ولنفسك سكوتنا
الكلام دا بالظبط زي ما واحد ينضرب في الشارع واقول ما هوه الي غلطان ايه الي مشاه في الشارع
كل حرب وليها جواسيس
دا الطبيعي .. مهو احنا ايام حربنا مع الاحتلال كان فيه عملاء وجواسيس
لكن الدول العربية وقفت جنبا وقطعوا البترول عن الدول الي بتساعد الاحتلال مثلا
كلامك يدل انك برده حاسس بالذنب بس بتحاول تتخلص منه بانك ترمي الكورة في ملعب تاني
المشكلة لخصها سيدنا عمر بن الخطاب في كلمتين
“نحن قوم اعزنا الله بالاسلام فان ابتغينا العزة بغيره اذلنا الله”
by MMF
28 Dec 2008 at 20:26
كل اللى اقدر اقوله
حسبى الله ونعم الوكيل
by Sinar
28 Dec 2008 at 20:26
رحمتك يا الله…..
أنا جسمي بتنفض كل ما اسمع أو أشوف اللي بيحصل…….
واللي للأسف مش عارفه ايه الحل فيه, أو على الأقل ايه اللي في ايدينا
العرب ساكتيين… بينددوا و بيشجبوا … طيب و من امتى ده كان حل أو حتى بيوصل لحل….
انا برضه مش عارفه ايه الحل, ولا ايه واجبنا كشباب عرب مسلمين و اخوان لأهل غزة اللي بيموتوا حتى اللحظة…
ناس استشهدت…. وناس جرحى و منهم بيحتضروا من قلة الامكانيات المرعب أكتر زي ما انا بسمع من قناة الجزيرة دلوقتي الرعب اللي السكان فيه
دول شايفين و سامعين الموت من كل مكان حواليهم… مستنيين المت يحصدهم في أي لحظة
رحمتك ياااا رب
أنا جاتلي الرساله دي, و جايز ده يكون واجبنا
ولا يسعنا سوى الدعاء
رغم اني منساش كلمة أستاذ لي ان الدعاء المفروض واجب على النساء والشيوخ القاعدين ولا يسعهم الجهاد….
بس يا ترى ايه قدامنا تاني نقدر نعمله؟
by Marwa
28 Dec 2008 at 21:35
حسبى الله ونعم الوكيل
أنا يمكن مشوفتش حاجه وسمعت متأخر كمان عشان قليل أوى لما بقعد قدام التليفزيون بس مش معنى كده انى مكبره أو مش فى دماغى بالعكس أنا يمكن بقول كويس انى مشوفتش حاجه عشان لو شفت هتعب أوى .
والمظاهرات اللى اتعملت فى الكليه النهارده طبعا عندهم حق بس عارفه ان مفيش حد بيسمع !!
ربنا يهدى وأنا متأكده ان شاء الله ان عدله قريب أوى .
by DanDona
29 Dec 2008 at 02:29
ana mosh ha2dar a2ol 7aga ’3er
حسبي الله و نعم الوكيل
la2en e7na sakteen 3ala el safala de we a3deen netfaraaag e7na we kol el 3arab wel mosleem , we 7atta mosh adreen ne3mel 7aga , omal feen el gehad elli etfarad 3aleeena eli mafesh 3and rabbena 7aga tet3adel ma3ah fel mezaaan ??
begad fe3lan حسبي الله و نعم الوكيل emta hanfoo2 we nes7a yeb2alna kelma ??
by bingorabbit
29 Dec 2008 at 03:10
7asbeya Allah w ne3ma Al wakeel, el moshkela ennohom “al3arab” beysma3o w yenadedo, wallahi law garalna eh 2odam akeed nestahlo, w youm ma yeegy el door 3alena, zai ma7med bey2ol ma7adesh hayes2al feena, la2en e7na aslan masa2lnash fehom..7asbeya Allah w ne3ma Alwakeel..
by ayman
30 Dec 2008 at 19:31
والله يا احمد الواحد حاسس بكل ده واكتر من ده وحاسس بضيق صدره من كتر الاحساس بالقهر والذل . ومفيش اوحش من الاحساس ده
النهارده عجبنى اوى محمد سليم العوا لما كان بيكلم على الموضوع ده . وكان بيكل ان احنا ما ينفعش نكل الوقتى على المعركه مع اسرائيل . لاكن معركتنا الوقتى مع نفسنا فى ان احنا نتعلم صح زيهم وننهض صح زيهم ويبقى عندنا حريه ودمقراطيه زيهم . انا شايف ان الواحد عليه حاجات كتير منها الدعاء والمساعده بالمال ونشر القضيه وتربيه نفسه اسلاميا صح وغيره . واهم حاجه هى ان احنا نتعلم كويس علشان نكون قادرين نحارب معركتنا صح .لان عيب ان تكون امه محمد عليه الصلاه والسلام جاهله
وحسبى الله ونعم الوكيل
by fifa
22 Jan 2009 at 14:43
والله اخى انا مثلك تماما فعلا هنقول ايه لربنا لما يسئلنا كنا فينن .؟؟؟
طيب فكر معايا شويه كدا السيد الرئيس هيقول ايه هو والاخوه الملوك العرب طبعا اقصد الرئيس محمد حسنى مبارك ؟؟ يا ترى هيقول لربنا انا كنت قافل المعابر علشان فى سلام بينى وبين اسرائيل ؟؟
هل يعقل هذا الرد ؟؟ ام ماذا سيقول هل يعقل ان يكون مسلم فى سلام مع يهودى صهيونى واخواننا يموتون بنفس اليد التى نضع نحن ايدينا فى ايديهم الممتده بالسلام وعلى النظير تجد يدهم الثانيه ملطخه بدماء اخواننا فى فلسطين والعراق والفغانستان وفى كل بلد مسلمه تشهد ان لا اله الا الله فكيف لا يعلنوها جهادا على الرغم من ان جمييييييييييع الشيوخ و مصادر الافتاء الرسميه قررت فى شتى دول العالم ان نعلنها جهادا وهذا ما امرنا الله به ؟؟
كيف سنقول له وان وجدنا نحن الشعوب العربيه النجاه من هذا السؤال امام ايدى الله سبحانه وتعالى فكيف سيرد الحكام العرب وعلى رائسهم الرئيس مبارك اقول كلامى وانا مصرى اعتز ان رئيس جمهورتنا رجل سياسى خبير فى شؤن السياسه لكنه يجهل معنى الاسلام ويحكم بخلاف ما امر به الله
ارجو ان تكون تحملتنى اخى فى ردى فكلنا مجروحين جدا مما اصاب اخواننا .. تعلم لماذا الجرح هذه المره عميق ؟؟؟؟ لانه هذه المره العرب ظهرو على حقيقتهم فكيف ان لم نجاهد فى مثل هذه المذبحه التى والله ثم واله لم اشك فى ان الله قد ارسل ملائكته لتحارب فى غزه مع المجاهدين فقد كنا نرى على قناة الجزيره اثناء البث المباشر كنا نسمع فى اول ليله يدخل فيها الجنود الصهاينه الى غزه بالقوات البريه كنا نسمع فى الجزيره اصوات الديوك وهذه كما قال رسول الله
روى البخاري ومسلم وأبو داود وغيرهم عن أبي هريرة رضي الله عنه أن رسول الله صلى الله
عليه وسلم قال: ” إذا سمعتم الديكة تصيح باليل فإنها رأت ملكًا فاسألوا الله تعالى من فضله، وإذا سمعتم نهيق الحمار فإنها رأت شيطانًا فاستعيذوا بالله من الشيطان الرجيم “.
واليك هذا الرابط به فيديو عن الجزء الذى سمعه العالم كله وقال فيه الناس اقاويل وهذه اليله اسرائيل تضرب بحرا وجوا وارضا ولم تفلح فى اقتحام شوارع غزه واليك الرابط ارجو ان تطلع عليه ولو قرائتا فقط
http://www.ahba2b.com/vb/t6260.html#post41883
Trackback
by الصحوة
05 Aug 2009 at 21:34
الصحوة…
جزاك الله خير…
Trackback
by فتوى
31 Aug 2009 at 23:23
فتوى…
شكرا جزيلا…