باستغرب جداً من ان عدد المقاطعين للمنتجات الاسرائيلية و اليهودية و الأمريكية كبير و على الرغم من كدة محدش فكر في اهمية المقاطعة التكنولوجية “Technology Boytcott” و يمكن السبب في كدة هو عدم ربط الناس التكنولوجيا و العلم بالقوة مع انك لو فكرت بس ثواني هاتكتشف ان القوة الحقيقية اللي في ايد اسرائيل هي العلم و التكنولوجيا.
طب ايه هيه اشكال المقاطعة التكنولوجية دي و هل هي مؤثرة ؟ هل فيه بدائل؟ و هل فيه فرص لصنع منتاجاتنا الخاصة بينا ؟
الاجابة من وجهة نظري ان المقاطعة التكنولوجية هي عدم شراء او استخدام منتجات تكنولوجية سواء اجهزة او برامج او لغات برمجة تم صنعها في اسرائيل و انا مش بقول اننا نقاطع امريكا كمان بس كفاية قوي اسرائيل و اللي الحقيقة انها متفوقة جداً في مجال السوفت وير (البرمجيات يعنى) و لها منتجات منتشرة منها كمان المفتوح المصدر زي لغة البرمجة بي اش بي (PHP) و نظام (KVM) الخاص بالأفتراضية داخل كيرنل لينكس و اللي اصبح مؤخراً جزء من شركة ريدهات اللي اشترت الشركة الام للنظام دي في اسرائيل.
المقاطعة اللي من النوع ده مؤثرة جداً بالمناسبة لأن المقاطعة دي هاتتم على مرحلتين، اولهم هو الاتجاه للبرامج و لغات البرمجة المفتوحة المصدر و بكده نتحرر تكنولوجيا من الهيمنة التكنولوجيا و كمان ماندفعش فلوس حتى لو البرامج دي امريكية او مانبقاش بنكسر اي قانون و يكون اسنخدامنا للبرامج دي حلال 100% ان شاء الله و المرحلة التانية هي الابتعاد و مقاطعة اللغات اللي بتمتلكها او تطورها شركات اسرائيلية حتى و لو كانت مفتوحة المصدر لانك بشكل او باخر بتساهم في انتشار و تطور التكنولوجيا دي و بالتالي تطور و ازدهار و انتشار للشركة اللي وراها!
و اكبر مثال على كده هو لغة بي اتش بي و اللي مكتوب بيها برنامج ورد بريس مثلاً اللي انا باستخدموا في التدوين و اللي المفروض اغيروا بجاحة تانية اذا استطعت ، على الرغم من ان مش الهدف هو مقاطعة البرامج اللي مكتوبة بيها طالما مش اسرائيلية لكن علي الاقل خالص محدش يعمل بيها برامج جديده و يتعلمها و يقدر يتعلم لغات تانية افضل و سهلة جداً برضو زي روبي او بايثون او لغة متقدمة اكتر زي الجافا.
و طبعا طبعاً من غير ماقول كل برامج و لغات مايكروسوفت اكبر محتكر امريكي للبرمجيات للعالم و اللي مسيطر على سوق لغات البرمجة في الوطن العربي بشكل كبير للأسف
الفكرة كمان ان البرمجيات هي اكبر مجال سهل جداً للعرب التطور و الامتياز فيه لأنه مش محتاج اي امكانيات مادية ، كل الموضوع شوية مخ و وقت و كتب و اولهم نية خالصة لوجه الله تعالى و دنيا المصادر المفتوحة اثبتت ان التفوق مالوش اي علاقة بانك تكون في امريكا نفسها و لو عملت برنامج متميز و منتشر هاتلاقي 100 شركة عالميا عايزة تشتريه , و طبعا المفروض العرب يساندوا بعض باستخدام البرامج المصنوعة في الوضن العربي على ان تكون البامج دي على مستوى عالمي منافس و ده حقيقي ممكن جداً
Ahmed Soliman Farghal is a professional "Software/Systems" engineer with exceptional computer science background and spectacular record of projects and achievements.
