السلام عليكم و رحمة الله و بركاتة

النهاردة من حوالي ساعتين كنت في طريقي لكارفور عشان نشتري لوازم الشهر و كدة و لقينا علي الطريق الدائري حادث رهيب بكل معني الكلمة و ده فعلا افظع حادث اشوفة بعيني في حياتي مع ملاحظة اني بسافر على الطريق الزراعي كتير جداً يعني كل اسبوع بشوف حادثتين ثلاثه لكن دي مختلفة جدا.

المنظر ان في حوالي خمس عريبات عبارة عن كرة مستديرة صغيرة من الصاج و دول طبعا مستحيل تعرف نوعم و اتوبيس مخروم من النص بمعني الكلمة يعني كأن فيه عربية عدت من نصة و طلعت من الناحية التانية و تقريبا 6 عربيات تانية مدمرة شبه بالكامل و تريلا كبيرة شايلة حديد تسليح و اللي طبعا بقي في كل حته في الطريق و التريلا نفسها عبارة عن قطعتين الكابينة و الشاسية و دول عبارة عن كتلة من الحديد مرمي برة السور الخرساني و الجزء التاني النص الخلفي اللي فية الحديد و ده متكوم علي جبب و كمان فية ميكروباس مخبوط من وراة و اوتوبيس بتاع السوير جيت عبارة عن نصة بس اللي موجد و الباقي داخل في النص ده!!!!!

المفاجأة بقي اني و انا راجع من كارفور طيعا الطريق واقف في الحتة دي ف و انا جمب الحادثة دي مشيت شوية قدام فلاقيت حادثة لسه حاصلة حالا او بالأصح بتحصل حالاً في نفس الاتجاه بتاع الحادثة الاولى و عربيتين نقل اتقلبوا و تقرييا 10 عربيات دخلوا في بعض منهم تلاته نفس كرة الحديد!!!!!!!

طبعا واضح اني اول واحد في العالم يتكلم عن الحادث ده لكن الاخبار اكييييييد هتبقى عنه اليومين التلاته اللي جايين و الله اعلم

الحادثة عاملة زي الافلام الامريكية  و الله و انا تفكيري كله كان ، هل اي حد في اللي اتوفوا في الحادثة دي كان عامل حسابة ان ده اجله؟؟

الحاجة التانية هو فيه ايييييييييه في البلد؟ ايييييييييييه اللي بيحصل ده ، ربنا يلطف بينا و يسترها معانا و يحسن خاتمتنا