كلنا بنشجع مصر
هي دي سلسلة اعلانات شفتها في التلفزيون و اللي فعلاً حول مباريات مصر الدولية لمناسبة قومية و واحد من الاعلانات بتقول “مفيش حاجة اهم من تشجيع مصر و انا بأيد الكلام دة جداً جداً كمان بس الفارق هو معنى التشجيع هنا
انا بشجع مصر انها تبقى ام الدنيا تاني و انها تبقى اجمل بلاد العالم و اهلها اكثرهم حضارة و تحضر و علم و ثقافة ، بشجع مصر انها تبقي منارة المسلمين و ترجع بلد الامن و الامان (اقصد امن المواطن طبعاً مش حاجة تانيه)
بجد بحبك يا مصر و بتقطع و انا بشوفك بتغرقي قدام عيني و انا مش عارف اعمل ايه و اهلك بيدمروكي و حكامك بيفسدوا فيكي ، لك الله يا مصر
و احلي سلام للمعلم و جدو و احمد حسن و متعب و جمعة و كل الرجالة اللي امتعونا بالعب النظيف و كانوا فعلاً مثال للمصريين المخلصين 
Ahmed Soliman Farghal is a professional "Software/Systems" engineer with exceptional computer science background and spectacular record of projects and achievements.
